اجمل شيئ قراته

-معاك يا الحمرا-


ما فالحكاية الا لعبة * يسموها كرة القدم
هي صح لعبة شابة * تقدر تجمع الناس وتلايم
وتزرع ما بينهم لمحبة * وتعرفهم على بعضاهم
كيما شفنا في اوربا * وفي باقي انحاء العالم
الفرق يدخلو في رحبة * الواحد على خوه يسلم
يعملوا مقابلة شابة * ويخرجوا نورمال مع بعضهم
ولما لحقت هاد اللعبة * لبعض الناس الله يهديهم
لقات بلي لعقول متعصبة * وكل واحد واش يتكلم
هادا يهدر عالعروبة ويسب * في خوه ملهيك ويشتم
ولوخر ملهيه رافد طوبة * ويقولك نربح ولوكان بالدم
وزادت قاست حتى النخبة * المتقف والفنان والعالم
اللي هدر بطريقة غريبة * ولحقوا حتى حرقوا العلم
والصحافة ولات مكلوبة * كيما اديب لما تكلم
نبدى نقول وين تربى * باش اعطاولوا هادا الاسم
وبراهيم حجازي راهو حطبة * من الحطب تاع جهنم
في كل شيبة عندو عيبة * شيخ كبير بصح ما يحشم
ولوخر قال كلمة عجيبة * يفضل يكون من اسوء ام
ويكون حتى وليد كلبة * بس يروح لكاس العالم
وكيما هوما كاين نسبة * كبيرة كامل هكا تخمم
الاعراض ولات سايبة * وزادوا حلوا حتى الدم
وبقاو يحرضوا في الشبيبة * باش يتقاتلوا مع بعضاهم
وصرات شحال من مصيبة * والناس ماتوا على جالهم
ونبينا قال للصحابة * مال وعرض ودم بنادم
اشد حرمة من الكعبة * صلى الله عليه وسلم
حبينا نلعبوا لعبة شابة * كرة قدم كيما دايم
وحبينا ننشروا لمحبة * ومهما داروا ما عندناهم
ماخليناش النار لاهبة * ما خليناش الحقد يتلم
ما خليناش القلب يتعبى * بالكره والبغض والاثم
ما خليناش الاجيال تتربى * على العداوة وعلى الظلم
ماخليناش العروبة * والاسلام يزيد يتقسم
بعدما كنا البارح عصبة * ولات عصابة فيهم تحكم
النصف نهائي قلنا سبة * باش تجمع الناس وتلايم
حبينا نجعلوها مناسبة * باش زعما المور تتحسن
لكن زادوا لعبوها لعبة * وخسروا علينا شويا دراهم
والجزائر خرجت مغلوبة * واللي غلبها هو الحكم
وبانو المصاورة بلي ذيوبا * يخدعوا اللي يامنهم
يدعوا ويداعاو العروبة * وماهم منا مانا منهم
وبانت الجزائر بلي صعيبة * ومستحيل باش تستسلم
غير ايلا دارولها ضربة * ولا كاش ما حطولها السم
وادا حسبوا قوتها كدبة * وماتستاهلش كاس العالم
عليهم غير يسالوا دروغبا * وصحابوا واش درنا فيهم
لعبنا وخرجنا بصورة شابة * وخلينا افريقيا ليهم
باش هوما يلعبوا في الغابة * وحنا نروحوا لكاس العالم.

*******منقول من جريدة النهار تاليف فيصل كرشوس************
*******مع تحيات اليكم- العضوة الناقلة مجنونة جبور وانتظر تعليقاتكم على الموضوع من فضلكم .شكرااا******
1.2.3 vive l'algerie -تحيا الجزائر-

hhhhhhhhhh chi3r